Хүүгийн үгс

b телевиз гэнэ үү энэ нэг ТВ дээр нэг баахан хачин сонин бөө энэ тэр яриад л байх шиг байсан чинь бичхэн дүүгээ харж үлдэх хоорондоо санаандгүй ТВ харсан чинь харин үнэхээр сонирхолтой зүйлс ярьж байна. Нээрээ л бөө, удган нь олшрох тусмаа хэрэгтэй ч юм шиг.
Олон сонин сонин зүйлс ярьж байна. Миний бодож явдагтай үнэхээр нийцлээ. Хаа байсан харагдаж баригдаж сонсогддоггүй бурхан, эзэн энэ тэрээс арай л ойрхон л санагдлаа.
Хэдэн балай, дэмий туйлширсан нөхөд суугаад бураад байна гэж хараад байсан чинь үнэхээр сонирхолтой, хэрэгтэй юм ярьж байсан байна.

Нээрээ л байгаль дэлхий гэдэг амьтай, эзэнтэй байдаг байх. Эртнээсээ ч тэгж үзэж, мөргөж залбирч ирсэн. Зөв шүтэж, зөв залбирч байвал хамгийн зөв шашин бөө юм уу гэж боддог юм.
Ямартай ч Монголчууд 3хан зүйлд л сөгддөг, булгаас ус авахдаа нэг сөгддөг, хадлан хадаж цэцэг таслахдаа нэг сөгддөг, эхийнхээ өмнө үнсүүлэх гэж нэг сөгддөг гэж хэлсэн үг их таалагдлаа.

Бас байгаль дэлхийн эздийн тухай, лус савдгуудын тухай яриа ч бас их сонин юм. Жишээ нь жижиг газрууд, уул, ус голын савдгууд нь цаанаа өөр нэг том савдагт, тэр нь цаашаа бүүр томд гэх мэт захирагдаж байдаг гэсэн яриа. Эцсийн дүндээ байгаль өөрөө хүн төрөлхтөн, ан амьтад, ургамлыг бүтээсэн. Гэхдээ хамгийн гайхамшигт бүтээлүүдийнх нь нэг хүн гэгч нөхөр жижиг савдгуудаас нь ч хүртэл илүү гараад, хамаг бүтээлийг устгах дээрээ, сүүлдээ өөрсдөө өөрсдийгөө дэлхий дээрх бүх зүйлстэй нийлүүлээд устгах дээрээ тулаад ирэхээр бусдыг нь авч үлдэхийн тулд том эзэн нь ямар нэгэн юм хийж цунами, газар хөдлөлт, үер, зудаар арга хэмжээ авч байна гэх...

Байгаль дэлхийгээ хайрлаж, ойлгож ухаалаг байхгүй бол нэг л өдөр маниус арчигдаж ч мэдэх дээрээ тулаад байгаа... за гэх мэт гэх мэт...

(ойрд завгүй гүйгээд л байна... уг нь бичмээр санагдсан, бодож яваа зүйлс бишгүй л байх юм...)

Tаалагдсан, таалагдаагүй, засаж залруулмаар, зүрх сэтгэлээ илчилмээр, зүгээр л бичмээр ч юм уу ер нь л ямар нэгэн зүйл байвал сэтгэгдлээ бичиж үлдээгээрэй. ;-)